Este é un libro homenaxe, un libro xogo, un libro xoia. Partindo das letras de vinte cancións coñecidas —de grupos como os Rolling Stones, The Doors, Oasis, Queen, e cantantes de culto como Bob Marley, Bob Dylan, Lou Reed, Alanis Morissette, David Bowie—, vemos cómo se constrúe un espazo entre a música e a literatura no que resoa a paixón pola palabra, envolta en cancións. Deixádevos seducir por este libro hibridamente fermoso: volveredes abrilo nos momentos precisos.

INFANTIL E XUVENIL-FÓRA DE XOGO-.

Este libro reúne nun único volune catro libros de poesía para rapaces publicados en 1988 (Coplas, Nenos, Aloumiños) e 1992 (Poemas do sol e da lúa). Trátase de poemas que transforman o mundo en espacio máxico a través das palabras. Apoiándose frecuentemente na tradición popular, García Teijeiro ofrece neste libro unha poesía tan sinxela como rica en imaxes e capacidade evocativa, moi apropiada para estimular o amor polas palabras e a imaxinación lírica dos nenos.

INFANTIL E XUVENIL-MERLÍN-De 7 anos en diante.

EDICIÓN LITERARIA-BIBLIOTECA DAS LETRAS GALEGAS-.

Este libro é unha colección de sete relatos para rapaces, que ofrecen a posibilidade dunha lectura aberta, na que cada un pode tirar as súas propias conclusións. Todos tratan de problemas reais, especialmente as dificultades que teñen os pequenso para viviren nun mundo feito polos maiores, sen pensar demasiado neles. O lector atopará aquí o diario do neno que busca falar con alguén que o entenda, ou a historia de Tocho, un boneco que está convencido de que non serve para nada, como se as cousas inservibles non tivesen tamén o seu encanto. Vai igualmente aquí o conto de Roi, que prefire crear o seu propio mundo á beira do mar: e o de Mario e Marta, incapaces de entender que as bonecas teñan que ser para as nenas e os balóns para os nenos. E algúns máis, como o do reloxio que un día deixou de dar as badaladas. Son historias de nenos contadas para nenos por alguén que aínda ten cousas de neno.